分類新聞

地方新聞

龍來三義「三義雲火龍節」五月盛大舉行！

2025-05-11

社會組

[記者陳虹蘊/苗栗報導]

從5月10號開光儀式起腳，一路到5月24號化龍返天，帶來連續兩禮拜个繽紛盛事。「三義雲火龍節」自2007年由三義雙潭社區草創、三義觀光文化發展協會等民間團體積極推動興起，在中央、地方政府同社區居民齊心協力下，歷經十九載个深根耕耘，既經變做國內客庄文化節慶个重要代表之一，深受民眾喜愛摎注目。
「2025三義雲火龍節」持續辦理請神迎龍、開光點睛、化龍返天等客家傳統祭祀科儀，透過虔誠禮敬个儀式，表達對信仰摎雲火神龍个敬重，還過展現崇天敬祖、感恩惜福个文化精神，其中結合在地社區居民用禾桿編製雲火龍摎跈龍遊庄頭个節慶喜悅，為三義祈福，分世界看著三義地方特色；在傳承方面，由三義優秀演藝團隊-客演舞集擔綱晚會開場嘉賓，融合《雲火龍》繪本故事情節進行編舞，連結山林摎禾田个元素，同三義常年雲霧繚繞个景色相輔相成，顯現雲火龍毋單淨係文學，乜做得轉化為舞蹈藝術再原汁原味个企上大舞台，提升客家文化个深度同闊度，向國際化邁進，分這隻節慶做得永續傳承。
另外，5月10號記者會結束後，跈等舉行舊山線巡禮，分民眾做得跈等雲火神龍深入眺望這條行過「開天二號」火車窿--具有歷史同文化底蘊个鐵道自行車路線，再親身感受獨特个客家風情同壯麗个自然景觀；乜將在地信仰結合創意元素摎藝術，延續辦理「跌聖筊比賽」、「醉龍體驗活動」等系列計畫，今年還增加了「立體小折書體驗」，特別邀請臺灣國際級紙雕大師洪新富老師來帶領體驗活動，展現客家庄醹醹个人文底蘊，也透過創意形式分民眾體驗無共樣个節慶魅力，還過辦理「雲火龍活動攝影比賽」，邀請來自各地个攝影好手，用雙眼摎鏡頭探尋傳統文化个脈絡軌跡，捕捉隆重个儀式、舞動个神龍、趣味个互動體驗摎精采表演這兜經典畫面，帶領大眾透過影像美學認識客家文化，感受國際級慢城个藝術魅力。
續下來，5月17號三義雲火龍節主活動暨晚會隆重登場，下晝2點開始展開系列活動：小折書體驗、客家音樂社團文藝表演、跌聖筊比賽、醉龍體驗活動。接續臨暗5點起勢由三義雙潭社區、僑成國小同三義龍藝這兜組成陣容龐大个跈龍遊庄頭隊伍；晚會從暗晡頭6點30分開始，由客演舞集融合三義雲火龍摎創新律動元素个「龍盤客庄古韻傳」做為開場舞碼，掀起第一波高潮，接等在林展逸老師个精心指導摎編排下，傳統客家歌曲透過創新編曲同後生世代个演繹，展現全新風貌，現場還搭配萬眾期待个「全民摸彩趣」，分觀眾一試手氣，見證總價值超過12 萬元个豐富好禮會獎落麼人屋下，精彩可期，千萬莫錯過！
「2025三義雲火龍節」誠摯邀請全國朋友在這初夏時節，共下來「龍」躍三義！參與這場融合傳統同創新个文化盛事，分

熱門新聞